Nurçuluq və onlarin məqsədləri

Nurçuluq nə məzhəb, nə də təriqət olub bu və ya digər ideologiyaya xidmət edən dini fikir cərəyanıdır. Çünki nurçuluğun özünəməxsus nə məzhəb, nə də təriqət məziyyətli prinsip və konsepsiyaları mövcuddur. Ümumi olaraq desək, nurçuluq XX əsrin 40-50-ci illərində Türkiyədə ortaya çıxan, əsasları Səid Nursi (1873-1960) və müasir dövrdə Fəthullah Gülənin dini-ideoloji əsərlərində işlənib hazırlanmış, kamalist laiqliyinə qarşı mübarizə aparan, İslamın Türkiyədə itirilmiş mövqelərini geri qaytarmağa çalışan mütərəqqi islam cərəyanıdır. Bu cərəyanın sufi təriqətləri ilə əlaqəsi barədə müxtəlif fikirlər səslənsə də Səid Nursinin özü nurçuluğun bir təriqət və ya məzhəb olmadığını israr etsə də belə bir nöqteyi-nəzər daha çox yayılıb ki, o, nəqşbəndiyyə və qadiriyyə sufi təriqətlərinin içərisindən çıxmış dini cərəyandır.
“Nurçuluq” adının yaranmasına gəlincə, geniş yayılmış fikrə görə, bu ad Bədiüzzaman Səidin doğulduğu Nurs qəsəbəsinə uyğun olaraq öz adına əlavə kimi Nursi nisbəsini götürməsi ilə əlaqədar meydana çıxmışdır. Həmçinin, bəzi tədqiqatçılar bu adı sözügedən cərəyanın “nur” konsepsiyası ilə əlaqələndirirlər. Hər halda bu cərəyanın onun banisinin nisbəsi ilə adlandırılması daha inandırıcı görünür.
Gəlin Nurçuluq barədə müzakirələr aparaq.Bir çox tanişlarim var ki nurçuluğu belə demək düzgünsə heç də təhlükəli bir `təqriqət` hesab etmirlər.Amma mən əminəm ki onlarin gizli niyətləri gəncləri özlərini yaxşi göstərməklə adladib öz tərəflərinə çəkmək böyuü kürdüstan qurmaq və s dir.Digər bir forumda nurçuluğu müdafiə edənlərə konkret dəlillərim vardi heyf ki o bölmə bağlandi(yalniz oxuna bilər)
Fətullah Gülən Azərbaycandaki əlaqələrinə arxayin olaraq nurçuluq ideyalarinin yayilmasina xüsusilə Qafqaz Universitetinə və Araz hazirliq kurslarina külli miqdarda maliyyə yardimi edir.Hətta bir ara Qafqazin tikintisində F.G proyeksiyasini yerinə yetirmək istəyirdi(yuxaridan baxdiqda aşkar görünür bəzi saytlarda şəkilləri görmüşəm)Lakin KİV-də verilən bu məlumatlardan sonra MTN- in bu işə müdaxiləsindən sonra plan baş tutmadi
Fikirlərinizi bilmək istərdim.

Zaman-Today» qəzetində Azərbaycan rəhbərliyi kəskin şəkildə tənqid olunmuşdu. Bundan sonra «Azərbaycan» qəzeti başda olmaqla, dövlət qəzetləri nurçulara qarşı sərt məqalələrlə çıxış etdilər. Hadisələrin bu şəkildə inkişafı göstərirdi ki, nurçuların fəaliyyətinə ölkədə ciddi qadağalar qoyulacaq. Proseslərin bu şəkildə gərginləşməsinin başqa səbəbi nurçuların Ermənistan-Türkiyə sərhəddinin açılması ilə bağlı tutduqları mövqe oldu
Azərbaycanda ciddi iş quran və demək olarkı bütün potsevet məkanına nəzarəti məhz Azərbaycandan həyata keçirən nurçular Türkiyə-Ermənistan sərhədlərinin açılması məsələsində Azərbaycana arxadan zərbə vurdular. Türkiyədə ilk növbədə sərhədlərin açılmasına müsbət reaksiya verən qüvvələr Türkiyədə ki, ermənilərlə nurçular tərəfindən gəldi.
Hələ 1998-ci ildə nurçuların lideri Fətullah Gülən Ermənistanla əlaqələrin yaradılmasının tərafdarı kimi çıxış edirdi və Robert Koçaryan prezident seçilən kimi rəsmi məktubla ona müraciət etdilər. Müraciətdə xahiş edildi ki, nəzarətlərində olan şirkətlərin Ermənistanda fəaliyyətinə şərait yaradılsın və onlara Yerevanda orta məktəb açmaq imkanları verilsin.Sözsüz ki, Ermənistan bu təklifdən imtina etdi. Amma biznes əlaqələrinin qurulmasında problemin olmadığını bildirdilər. Bu isə təsdiqləyirdi ki, nurçular həmişə sərhədlərin açılmasını istəyib.
Bu olayda Azərbaycan hakimiyyətini qane etmədi və nurçulara göstərilən qayğı da zədələnmə
başladı. Məlum oldu ki, Türkiyədən Azərbaycana gəlib fəaliyyət göstərən şirkətlərin əksəriyyəti nurçulara məxsusdur. Çünki nurçuların himayəsində olan şirkətlərə güzəştlər edilir, türk şirkətləri ilə müqayisədə onlara monopolist addımlar atmağa imkan verilirdi. Hətta gömürük rüsumları belə türk şirkətlərinin rüsumundan aşağı qiymətlərlə olub.Bütün bunların qarşılığında nurçuların etdiyi xəyanət qəbul edilmədi və onlara məxsus şirkətlərin fəaliyyətinin sıxışdırılması prosesi başladı. Bu işdə Rusiyada Azərbaycana istənilən köməyi göstərməyə hazır olduğunu bildirdi. Çünki Rusiya nurçuların Rusiyada fəaliyyətinə rəsmi qadağa qoyub və onları terror təşkilatları siyahısına salıb. Proseslərin bu şəkildə inkişaı təsdiqləyirdi ki, nurçulara məxsus telkanal başda olmaqla bir sıra şirkətlər onların əlindən alınacaq. Amma son anda hər şey dəyişdi. Hadisələrin bu şəkildə inkişafı nurçuların liderini narahat etməyə bilməzdi və buna görə əks addımların atılması başladı. Öncə «Zaman-Today» qəzetində çıxan yazı təkzib edildi, daha sonra isə sərhədlərin açılması mövzusuna korrektələr edildi. Hətta bu işin Azərbaycanın istəyi ilə reallaşması təklifi də açıq şəkildə bəyan olundu. Bununla da buraxdıqları səhfliklərin aradan qaldırılması başladı. Ən maraqlı məqamlardan biri də bu oldu ki, Bakıdan bir neçə nəfər təcili ABŞ-a uçmalı oldu. Məqsəd isə Fətullah Gülənlə görüşüb məsələlərin müzakirə etmək idi
Fətullah Gülən Azərbaycana xüsusi önəm verir və hesab edir ki, potsovet məkanında iş görmək üçün əsas baza kimi Azərbaycandan istifadə olunmalıdır. Səfərin yekunu olaraq nurçular Azərbaycanda hakimiyyətin bütün istəklərini təmin etməyə hazır görkəmi alaraq yaranmış gərginlikdən çıxa bildilər.Nurçular hadisələri istədikləri istiqamətdə yönəldəndən sonra əks addımların atılmasına başladılar. Bu dəfə məqsəd nurçulara qarşı savaş açanların sıradan çıxarılmasıdır. Çünki baş verən proseslər göstərdi ki, Azərbaycanda nurçuların gizli fəaliyyəti ilə bağlı kifayət qədər məlumatlı və buna qarşı savaş aparmaq imkanı olan insanlar var. Buna görə, həmin şəxslərin cəmiyyətdə ləkələnməsi, yaxşı halda hətta həbs olunması prosesinə başladılar.Nurçular bunun üçün bir sıra dövlət məmurları ilə belə danışıqlar aparıb razılaşmalar əldə edib, tanınmış bir neçə şəxsi təsir alıtan sala biliblər.

Bir sıra İslam məzhəblərinə görə hər yeniləşən əsrin əvvəlində dinin təkmilləşməsi məqsədilə Allah-taala tərəfindən seçilmiş bir şəxs göndərilir. Bu şəxs təhrifə məruz qalmış İslamı yenidən dirçəldir. Elə məhz insanların bu inancından faydalanan bir sıra saxtakarlar müxtəlif dövrlərdə özlərini zamanın sahibi, elçi, peyğəmbər və s. adlandırıblar. Bu cür şəxslərdən biri də XX əsrin əvvəllərində Türkiyədə özünü “Bədiüzzaman” adlandıran Said Kürdi (Nursi) olub.
Həyatını müstəqil baxımsız Kürd dövləti qurmağa həsr edən Said Kürdi 1912-ci ildə yazdığı bir kitabında kürdləri nəzərdə tutaraq “Oyan, ey Səlahəddin Əyyubinin nəvələri kürdlər!” cümləsi ilə açıq-açığına öz düşmənçiliyini ifadə edibdir. Halbuki, təkcə anası kürd olan sultan Səlahəddini kürdləşdirərək kürdlərin “şanlı keçmişi”ni geri qaytarmağa çalışmışdır. “Məktubat” adlı risaləsində özünün türk və türklərlə heç bir əlaqəsinin olmadığını, Türkiyədə kürdlərin ayrı bir xalq olduğunu ifadə edərək: “Müstəqil bir Kürdüstanın toxumunu cücərdirəm, onu inkişaf etdirib böyüdün”- deyirdi.
Said Kürdi 1876-cı ildə Bitlisin Hizan qəsəbəsinin Nurs kəndində dünyaya gəlib, 23 mart 1960-cı ildə vəfat edib. S. Kürdinin adı ilk dəfə bir polis zabitinə zərbə vurmaqla hallandı. O, əsrin əvvəllərində, o cümlədən I Dünya müharibəsində və “kamalçılar”ın zamanında dövlət əleyhinə bir sıra fəaliyyətlə məşğul olmuşdur. S. Kürdini bu qəbil hərəkətlərinə görə bir neçə dəfə həbsə və dəlixanaya salmışdılar. Kürdçü birliklər yaratmış bu şəxs cümhuriyyət yarandıqdan sonra onun qatı düşmənlərindən olub. Nursinin kürdçülüyə yönəlmiş siyasi fəaliyyətləri uğursuz alındığından avam insanların dini inanclarından istifadə etməklə tədricən öz ideyalarını həyata keçirməyə başlayır. Oxumağı bacarmayan və türkcə səlis danışa bilməyən bu insan 1950-ci illərdən etibarən göydən vəhy aldığını iddia edərək bir sıra əsərlər yazmağa başlayır. Savadsız kütlələri öz ardınca çəkməyi bacaran Nursi özünü, zamanın möcüzəsi adını ifadə edən “Bədiüzzaman” adlandırır və “Risalei-Nur” adlanan Quran “təfsirləri” yazmağa başlayır. Quranın bəzi ayələrinin, xüsusilə Nur surəsinin məhz onun üçün endiyini bildirən bu “möcüzəli” şəxs, yeni cümhuriyyətə qarşı müharibə elan edən Şeyx Səid adlı birisini dəstəklədiyindən sürgünə göndərilir. “Kamalçılar”ın qatı düşməni olan Şeyx Səid vaxtilə “Bir türk öldürmək 70 kafiri öldürməkdən daha üstündür”- demişdi (Bu şəxs edam olunmuşdur).
Şeyx Səidi özünə ustad seçən Nursi vaxtilə Osmanlı sultanı II Əbdülhəmiddən Kürdüstan adlandırdığı ərazidə kürd gənclərinin təhsil alması üçün 3 mədrəsə açılmasını xahiş edir. Bu istəyin altında nələrin yatdığını bilən Əbdülhəmid əvvəlcə onu sürgünə göndərmək istəsə də, sonra ağlı başında olmadığını düşünüb dəlixanaya saldırır.

Nurçuların mütləq əməl etmələri və inanmaları vacib olan vəzifələri bunlardır:
• “Risalei-Nur”u oxumaq, oxumağı bilmirsə, mütləq dinləmək. Onların evlərində Quran olmasa da, mütləq “Risalei-Nur” olmalıdır.
• Hansı şərtlər daxilində olursa-olsun, Said Nursini müdafiə etməli, onun məsumluğunu təsdiqləməli, başqalarını buna inandırmalıdır.
• İğtişaşlara qoşulmamaq, qadınlarla əlaqələri kəsərək onlara yaxın durmamaq.
• Hər hansı bir nurçu getdiyi ərazilərdə “camaat"ına yeni bir şəxs qoşmalıdır.
• Harada olursa-olsun, “Risalei-Nur” oxunmalı, Əsmaül-Hüsnadan (Allahın mübarək adları) sonra gizli şəkildə Said Nursinin adı çəkilməlidir.
• Nurçuluğa qarşı çıxanlar müsəlman olmayıb, İslamı yıxmağa çalışan kafirlərdir.
• Dövlət “Risalei-Nur”la idarə olunarsa, doğrudur, idarə olunmazsa, yanlışdır. Bütün ali tədris ocaqları “Mədrəseyi-Nur” adlandırılmalıdır.
• “Risalei-Nur”u oxumaq və yazmaq alim olmaq üçün yetərlidir. Çünki orada hər şey yazılıb, əlavə bilgilərə ehtiyac yoxdur

Kürdçülük ideyaları
Həyatını müstəqil baxımsız Kürd dövləti qurmağa həsr edən Said Kürdi 1912-ci ildə yazdığı bir kitabında kürdləri nəzərdə tutaraq “Oyan, ey Səlahəddin Əyyubinin nəvələri kürdlər!” cümləsi ilə açıq-açığına öz düşmənçiliyini ifadə edibdir. Halbuki, təkcə anası kürd olan sultan Səlahəddini kürdləşdirərək kürdlərin “şanlı keçmişi”ni geri qaytarmağa çalışmışdır. “Məktubat” adlı risalə-sində özünün türk və türklərlə heç bir əlaqəsinin olmadığını, Türkiyədə kürdlərin ayrı bir xalq olduğunu ifadə edərək: “Müstəqil bir Kürdüstanın toxumunu cücərdirəm, onu inkişaf etdirib böyüdün”- deyirdi.
Said Kürdinin bəzi sözləri:
• “Risalei-Nuru” Allah-taalanın məhz özü imzalayıb. Başda həzrət Məhəmməd (s) olmaqla həzrət Əli, Əbdülqadir Gulani və bu silsilədən görkəmli şəxslər onu imzalayıblar.
• “Risalei-Nur” daxil olduğu əraziləri öz nuru ilə nurlandırmaqdadır.
• “Risalei-Nur” Quranın aynasıdır və bir möcüzə səviyyəsindədir. Heç bir kitab onunla yarışa bilməz, ona qarşı çıxa bilməz. Çünki risalələr Allah tərəfindən bilavasitə Saidə verilib.
• “Risalei-Nur” Musa peyğəmbərin (ə) əsası kimi hara dəyibsə, oradan su çıxarıbdır.
• “Risalei-Nur”u təkcə quşlar deyil, göydə və yerdə olan bütün varlıqlar alqışlamaqdadır.
• “Risalei-Nur”a heç bir şəkildə etiraz edilməməli, hətta bu etiraz “Kutbul-Əzəm”dən (yəni peyğəmbərlərdən (s)) gəlsə belə, ona qulaq asılmamalıdır.
• Qurani-kərim və “Risalei-Nur” rəhman və rəhim Allahın kəlamlarıdır. “Risalei-Nur”un 129 hissəsi Qurandan uzanan elektrik naqilinin ucuna taxılan 129 elektrik lampası kimidir.
• Qurani-kərimin Səcdə surəsinin 2-ci və 3-cü ayələri məhz “Risalei-Nur”u anlatmaqdadır. Fussilət surəsinin 33-cü ayəsində bildirilənlər “Nur təriqəti”nin üzvləridir.
• “Risalei-Nur” ona xidmət edənləri mütləq cənnətə aparacaqdır.
• Radio, dünyanın bir tərəfindən səslənən sözün kilometrlərlə uzaqda yerləşən bir qutudan eşidilməsi, onun içindəki mələklərlə əlaqəlidir.
(Bu qədər elmsiz insanın cəfəngiyyatlarına inananları hələ də anlamaq mümkün deyildir.)

İndi isə S. Kürdinin dediklərinin altında yatan planları şərh edək:
1. Qeyd olunur ki, yalnız risalələrə, yəni Saidin cəfəngiyyatlarına xidmət edənlər cənnətə girəcək, özü də mütləq şəkildə. Halbuki, İslam tarixinə və hədislərə az-çox bələd olan hər kəs bilir ki, kainatın əfəndisi həzrət Məhəmməd (s) yalnız 10 nəfəri cənnətlə müjdələyib (Hətta bu hədisə belə iradlar olunub). Bu şəxs və hazırda onun varisliyini həyata keçirən şəxslər Allah adına and içərək mütləq şəkildə nurçuların cənnətə girəcəyini bildirirlər. Bu isə Allaha deyil, cənnətdəki huri-mələklərə aşiq olan müsəlmanların nurçuluğu seçməsinə səbəb olur. Vaxtilə xristian keşişləri də aldadıcı vədlərlə çıxış edərək insanlara cənnətdən köşklər satırdılar. İslama daxil olmaq istəyən bir şəxs heç bir tərəddüd etmədən bu təriqəti seçəcəkdir. Əgər nurçu olan cənnətə girəcəksə, o zaman “Risalei-Nur”un endirildiyi şəxs olan Said Nursi, yəqin ki, peyğəmbərlərdən də uca məqama sahib olacaqdır.
2. Bəşəriyyətin sonuncu kitabı Qurani-kərim olduğu halda, bu şəxs öz cəfəngiyyatını Quranla bir səviyyədə tutaraq vəhy aldığını iddia edib. Hətta Quran əvəzinə risalələrin oxunması hallarına da rast gəlinir.
3. Türk soylarını Şeytanın zürriyyəti hesab edən Said Kürdinin türkçülüyə düşmənçiliyi burada açıq şəkildə görünməkdədir.
4. Qurani-kərimdən bəllidir ki, Allah-taala insanları heç bir təbəqəyə ayırmayaraq, onların birini digərindən üstün bilmir (üstünlük yalnız təqva əsasındadır). Halbuki, nurçular üçün Said ən üstün insandır.

Nurçuluğun prinsipləri
• Türkiyə Cümhuriyyətinin şəriət qaydaları əsasında idarə edilməsi, keçmiş xilafətin bərqərar olunması, Quran xaricində heç bir konstitusiyanın qəbul edilməməsi.
• Bütövlükdə dünya səadətini insanlara haram bilməklə, onları yalnız axirətə yönəltmək. Bu isə insanların dünyəvi işlərdən əl çəkərək pessimistləşməsinə səbəb olur.
• Atatürk idarəçiliyi hədislərdə qeyd olunan dəhşətli Axırzamanın əlamətlərindəndir. Cümhuriyyət şəriət qaydaları ilə idarə olunmadığından dinsizliyin, kafirliyin yaranmasına səbəb olur.
• Türkiyənin hazırkı siyasi sistemi Nur səadətinin məhvinə səbəb olur. “Kamalçılar” səviy-yəsiz, anarxist insanlardır.
• Müsəlmanlara Quran xaricində heç bir konstitusiya gərək deyildir. Milliyətçilik İslam bir-liyinə manedir. Yalnız İslam milliyəti mövcuddur və gələcək dünya İslam dövləti olacaqdır. Böyük İslam dövləti isə yalnız “Risalei-Nur” sayəsində mümkün ola bilər.
• Əvvəlki şəriət qaydaları bərpa edilməli. Quran faizi qadağan etdiyindən banklar ləğv olunmalıdır.
• Əgər bəşəriyyət ağlını başına yığıb islami məhkəmələr əsasında idarə edilməzsə, maddi və mənəvi qiyamətlər qopacaq, yəcuc-məcuclar zühur edəcəkdir.
• Nur camaatı yalnız özləri ilə evlənməlidir.
• Mərkəzi Məkkə olmaqla böyük İslam dövləti qurulmalı və idarəçilikdə ərəblərə üstünlük verilməlidir.
• Zülmə mübtəla olan xristianlar da cənnətə girəcəklər və onlar şəhid hesab olunurlar. Hətta gələcəkdə İsəvi müsəlmanlar adlanan insanlar olacaqlar ki, bunlar xristian həqiqətləri ilə islam gerçəkliklərini özlərində birləşdirərək qərbə hakim olacaqlar (Halbuki açıq şəkildə Quranda qeyd olunubdur ki, “Allah üçdür deyənlər kafir oldular”).
Nurçular iki qismə ayrılıblar: Birinci qrupa daxil olan insanlar Qurana küfr yazıları ilə (yəni ərəb əlifbasından qeyrisi ilə) xidmət etməyin yolverilməzliyini dəstəkləyirlər. Yazıçı nurçulara görə “Risalei-Nur” mütləq ərəbcə yazılmalı, özü də əl yazısı ilə olmalıdır. Oxuyan nurçular isə latın qrafikası ilə yazılıb-oxunmanın məqbulluğunu müdafiə etməkdədirlər. Sonralar bu qruplar da bir sıra kiçik qruplara (məsələn, “fəthullahçılar”, “suracılar”, “qazetecilər”, “med Zehracılar”, “kırkıncılar” və s.) ayrılıblar.
Göründüyü kimi, nurçuluğun ən əsas prinsipi, onu dəstəkləyən qərb dünyası üçün müsəlmanların pessimist olmalarıdır. Belə ki, tarixdən bəllidir ki, böyük dövlətlər İslam dinini birbaşa yıxa bilmədiklərindən onu daxildən parçalamağa səy göstəriblər. Bu məqsədlə yaradılan vəhhabilik sonradan onların başına bəla olduğundan (çünki onlar vəhhabilərin bu qədər radikal mövqe tutacaqlarını düşünməmişdilər), həddindən artıq pessimist, yalnız axirəti düşünən müsəlmanların birliyini yaratmağa başlayıblar.
Təsadüfi deyil ki, bu təriqətin ən böyük liderini hazırda amerikalılar cidd-cəhdlə (qeyd edək ki, o, Türkiyədən qovulub) qorumağa çalışırlar. Həqiqi müsəlmanlarsa bu təriqətin üzvlərini nurçu deyil, narçı (cəhənnəmliklər) adlandırırlar.
Dilqəm ƏHMƏD

Beyler de yaman destek verirdi bunlara bir ara

Jurnalist_89 yazıb:Bildiyimə və oxuduğuma görə Bakıdakı bir çox kafelər, restoranlar nurçularımdır. Böyük Fırat və b. Elə "Xəzər tv, Xəzər radio, Burç fm" bunlar da nurçularındır mən biləni
Onlar haqqında çoxda elə bilgilərim olmasa da "Altay" jurnalı var, ordan bunlar haqqında oxumuşdum

Duz bilirsen .Elave ede bilrem Turkiyede yayimlanan Stv kanali hemcinin gencler arasinda populyar olan Araz hazirliq kurslari Qafqaz Universiteti ve s