"Qarabağ" "Rusenborq"u Norveçə əliboş göndərdi

Komandamız Ağdamın işğalı günündə qazandığı qələbə ilə bütün Azərbaycan xalqına sevinc bəxş etdi

Bu gün Ağdamın “Qarabağ” klubu Avropaliqanın ikinci təsnifat mərhələsinin oyunları çərçivəsində Tofiq Bəhramov adına Respublika Stadionunda Norveçin “Rusenborq” klubunu qəbul edib. Hər iki komanda oyuna qarşılıqlı hücumlarla başlayıb. Qapılar qarşısında bir neçə dəfə təhlükəli vəziyyətlər yaradılsa da, hər iki komandanın qapıçıları sayıqlıq nümayiş etdirib. Birinci hissənin 45-ci dəqiqəsində hakim rəqib qapısına cərimə zərbəsi təyin edib. Rəşad Sadıqovun qapıya doğru endirdiyi qüvvətli zərbə rəqib qapıçı üçün qarşısı alınmaz olub və hesab açılıb.

İkinci hissədə bütün komanda ilə irəli atılan norveçlilərin bütün səylərini qapıçımız Fərhad Vəliyev puça çıxarıb. Matçın 78-ci dəqiqəsində qapımıza cərimə zərbəsi təyin edilib. Lakin cərimə zərbəsi canlı səddən geri dönüb. İkinci zərbədən sonra Rəşad Sadıqov komandamızı qoldan xilas edib.

Matçın 82 -ci dəqiqəsində isə qapı tiri rəqibi xilas edib. Belə ki, Vaqif Cavadovun zərbəsi tirə tuş gəlib. Oyunda yadda qalan son təhlükəli məqam da elə bu olub. Beləliklə, “Qarabağ” Ağdamın işğalı günündə qazandığı qələbə ilə bütün Azərbaycan xalqına sevinc bəxş edib.

Xatırladaq ki, bu komandalar arasında iyulun 16-da Norveçdə keçirilən qarşılaşma 0:0 hesabı ilə başa çatıb.

Elə də yaxşı oyun nümayiş etdirməsələr də, belə bir gündə qalib gəlmələri çox xoşuma gəldi. Qoy, Avropa klubları sırasında Qarabağımızın da adı çəkilsin.

Veydemanis yazıb:Elə də yaxşı oyun nümayiş etdirməsələr də, belə bir gündə qalib gəlmələri çox xoşuma gəldi. Qoy, Avropa klubları sırasında Qarabağımızın da adı çəkilsin.

Mən "Qarabağ"ın qalib gəlməsindənsə, ən çox onun adının çəkilməsinə sevindim. Yəni, komandanın adı "Qarabağ"dan başqa ad olsaydı, o zaman bəlkə də heç bu qədər sevinməzdim. Oyuna qaldıqda isə, əziz dostum Veydemanis, biz "Qarabağ"dan ya da başqa Azərbaycan klublarından "Mançester", "Çelsi" səviyyəsində oyun gözləyə bilməzdik. Amma onların var qüvvələrilə, necə deyərlər, son nəfəsədək oynaması mənim xoşuma gəldi. Mən gördüm ki, futbolçularımız oyuna doğurdan da can yandırırlar.

“Qarabağ” klubu “Honka” klubu ilə qarşılaşacaq

İlk oyun iyulun 30-da keçiriləcək

Norveçin “Rusenborq” klubunu məğlub edərək növbəti mərhələyə vəsiqə qazanmış Ağdamın “Qarabağ” klubu UEFA Avropaliqanın üçüncü təsnifat mərhələsindəki rəqibi məlum olub. “Qarabağ” komandası növbəti mərhələdə Finlandyanın “Honka” klubu ilə qarşılaşacaq. UEFA Avroliqanın üçüncü təsnifat mərhələsinin ilk oyunları iyulun 30-da, cavab görüşləri isə avqustun 6-da keçiriləcək.

Qeyd edək ki, “Qarabağ” klubu Ağdamın işğalı günündə qazandığı qələbə ilə bütün Azərbaycan xalqına sevinc bəxş edib. Ağdam təmsilçisi 20 qat Norveç çempionu ilə görüşdən qələbə ilə ayrılıb – 1:0. Yeganə qolu Rəşad Sadıqov vurub. /ANS PRESS/

Drongo yazıb:“Qarabağ” növbəti zəfərə hazırdır....
Oyun Bakı vaxtı ilə saat 20:30-da başlayacaq və ANS ÇM radiosu ilə canlı yayımlanacaq

Radio ilə futbol izləmək nə qədər çətin olsa da, qulaq asdım.
Təbriklər, Qarabağ! Bakıda da eyni oyunu gözləyirik...

İnaniram ki, "Qarabağ" "Tvente" uzerinde de qelebe qazanacaqç İNŞALLAH

Ağdamın “Qarabağ” futbol klubu dünya klublarının reytinq cədvəlində daha 13 pillə irəliləyib. Beynəlxalq Futbol Tarixi və Statiskaları Federasiyasının noyabr ayı üçün tərtib etdiyi reytinq cədvəlində “Qarabağ” 249-cu mövqedə qərarlaşıb. Qurumun rəsmi saytında yer alan məlumata görə, Qurban Qurbanovun yetirmələrinin aktivində 72 xal var.

Ağdam təmsilçisi Braziliyanın “Santos” və Fransanın “Loryan” klubu ilə eyni xala malikdir.

Dünya klublarının reytinq cədvəlinə ötən ay olduğu kimi İngiltərənin “Mançester Yunayted” klubu başçılıq edir. Onun aktivində 317 xal var.
İkinci yerdə “Çelsi”, üçüncü yerdə isə “Barselona” qərarlaşıb.