Futbol Millimiz

Lixteynşteynlə oyun öncəsi qələbə vəd edən Millimizin futbolçularının qələbə vədləri ilə tanış olun:

Elvin Məmmədov: “Lixtenşteynlə oyun bizim üçün çox əhəmiyyətlidir. Matçda əsas vəzifə hücumda oynayan futbolçuların üzərinə düşəcək. Erkən qol vura bilsək, fərqli qələbə ilə də azarkeşlərimizi sevindirə bilərik. Azərbaycan yığmasının Lixtenşteynlə matçda qalib gələcəyinə şübhə etməyin”

Elnur Allahverdiyev: “Komandamızın bütün oyunçuları qələbə üçün istəklidir. İnanıram ki, televiziya ilə bizim oyunu seyr edən xalqımızı sevindirəcəyik. Mənim funksiyam rəqibin qol vurmasına imkan verməməkdir. Düşünürəm ki, öz işimin öhdəsindən layiqincə gələcəm. Qol vurmaq məsələsi isə hücumçuların üzərinə düşür”.

Vüqar Nadirov: “Qələbə qazanmaq zamanı çoxdan yetişib. Kimin hücumda oynamasından asılı olmayaraq, hər birimiz komandamızı, xalqımızı sevindirmək üçün əlimizdən gələni edəcəyik”.

Rəşad Sadiqov: “Nəticə haqqında bir söz demək istəmirəm, amma meydanın mərkəzində üstün tərəf biz olacağıq. Avrokuboklardakı oyunlar bizdə qələbə ruhu yaradıb. Rəqibə hörmətlə yanaşıb, öz futbolumuzu oynasaq, izləyicilər baxımlı oyun görəcəklər”

Vaqif Cavadov: “Proqnoz verməyi, qol vuracağam deməyi heç zaman sevməmişəm. Qolun mən yaxud da, digər komanda yoldaşımın vurmasının heç bir əhəmiyyəti yoxdur. Əsas odur ki, qələbə qazanan tərəf biz olaq”.


Görək də...

Oyundan əvvəl 1-0 bizim xeyrimizə, ya da 0-0 hesabıyla qurtaracağını düşünürdüm. Dövlətimizin idmana artırdığı qayğı sayəsində tarixdə ilk dəfə səfərdə qələbə qazandıq.
Görək Qarabağa hərbi səfərimiz olacaqmı?