Oxuduğum və məsləhət gördüyüm kitab

Oxuduğum sonuncu kitab: Paulo Koelo. "Əlkimyagər".
Bu kitab doğurdan da oxunulası kitabdır. Mən artıq dəqiq bilirəm ki, gələcəkdə bu kitabı bir də oxuyacağam, çünki kitabın hər sətri bir hikmətdir. Amma mənim indiki dünyagörüşüm və təfəkkürüm bunları tam anlamağa yetmədi. Düşünürəm və dua edirəm ki, böyüyəndə Allah mənə ağıl payı versin.

Camaat böyüklərin kitabını oxuyur. Mənim isə uşaqlıq həvəsim baş qaldırıb. Azərbaycan nağıllarını və Aleksandr Belyayayevin 2 qəşəng uşaq fantastik povestini oxudum: "Professor Douelin başı" və "Amfibiya adam".
Mənim kimi uşaqlıq illərini yada salmaq istəyənlərə məsləhətdir.

Əlibala Hacızadənin "Dünyanı tanı" romanı.
Hələ ki, 70-80 səhifə oxumağa ancaq macal tapmışam. Amma artıq o qədər dəyərli fikirlərə, ibrətamiz sözlərə rast gəlmişəm ki...
Tapıb oxumaq imkanı olan hər kəsə məsləhət görürəm.

Etel Lilian Voyniç. "Ovod"
Yeni Tarixdəki dərsimizin lap üstünə düşdü. Dərslərin arasında özüm bunu oxuyuram ki, boş vaxtım qalmasın.

U-JIN yazıb:Etel Lilian Voyniç. "Ovod"
Yeni Tarixdəki dərsimizin lap üstünə düşdü. Dərslərin arasında özüm bunu oxuyuram ki, boş vaxtım qalmasın.

Çoooooooox əla bir əsərdir. Oxumamış hər kəsə məsləhət görürəm.
Bu kitabı 10-cu sinifdə oxuyanda ingilis dili müəlliməm mənə məsləhət görmüşdü. Lakin o vaxt tapıb oxuya bilməmişdim. Nəhayət, bu yay oxudum. Belə gec oxuduğuma həm təəssüfləndim, həm də sevindim ki, bəlkə o vaxt oxusaydım, bu qədər dərk etməzdim.
Başqa dildə - rus dilində oxumağıma baxmayaraq bitirənə qədər göz yaşımı saxlaya bilmirdim də.
Deyilənə görə, Leninin də ən sevdiyi əsər imiş. O dövrün gəncləri bu əsəri gecə oxuyub, səhər inqilabçı kimi meydana atılırmışlar.

Çingiz Abdullayev "Centelmen sövdələşməsi"
Super! Amma Dronqo bu əsərdə daha zəif göründü. Dostu olmasaydı, bacarmazdı...

U-JIN yazıb:Ceyms Fennimor Kuper. "Sonuncu mogikan"

Mən üzr istəyirəm Bu kitabı oxumağa başlamazdan əvvəl yazmışdım, amma sonradan fikrimi dəyişdim. Bu kitabı oxumamışam.

Cəmşid Əmirovun "Qara Volqa"sını oxuyub qurtardım.
İndi də İsa Hüseynovun "Məhşər"ini oxuyuram.

coxdu Varis yolcuyev sonuncu olen umudleridir,sene inanira,bir ovuc torpaq,yetmiw yeddinci gun,ismayil wixli ayrilan yollar,cebhe yollari,Cek londonun martin iden eseri hamisi maraqlidi,men kitablara asiq olmuwame)))))))))0